"Walikale" online jokoa

Walikale jokoaGatazkarik Gabeko Teknologia kanpainaren esparruan, hezkuntza-material berria daukagu erabiltzeko prest.

Kasu honetan doako joko bat da, www.walikale.org helbidean eskura dagoena. Zein da telefono mugikor baten bizi-zikloa? Zein da haien fabrikazioaren aurpegi ezkutua?

Planeta osoan barrena egingo den bidaia gidatu baten bidez, “Fakephone 6” alegiazko telefono mugikorraren fabrikazioan nahasitako pertsonaiak ezagutuko ditugu. Pertsonaiekin hitz eginda, eta hainbat minijokoren bidez lagunduta, telefono baten ibilbide konplexua argitzen joan beharko dugu, Kongoko Errepublika Demokratikoko meategietatik hasi eta gure poltsikorainoko ibilbidea.

Honako hauek dira jokoaren ezaugarri nagusiak:

  • 11 eta 14 urteko pertsonei zuzendua, adin-tarte horrentzako estetika erakargarriarekin.
  • Gutxi gorabehera, 50 minutuko iraupena du. Aproposa da ikasgelan erabiltzeko eta, ondorengo saio batean, jokoan zehar ikusitako alderdiei buruz hausnartzeko.
  • Html5 joko elektroniko bat da, beraz, ordenagailu eta terminal mugikor guztien bidez eskura daiteke deskarga eta kanpoko pluginik gabe.
  • Hainbat minijokok osatzen dute, errepikakorra izan ez dadin eta zailtasun-maila orekatua izan dezan. Horrela, osatzea erronka den arren, aukera ematen du kalkulatutako denboran amaitzeko.
  • Euskaraz nahiz gaztelaniaz dago eskuragarri.
  • Kontrol-puntuen sistema bat du eta, horregatik, ez da nahitaezkoa jokoa saio bakarrean amaitzea eta geroago jarrai daiteke utzitako tokitik hasita.

Leave a reply

Your email address will not be published. Required fields are marked *

This Campaign has ended. No more pledges can be made.