Gatazkarik Gabeko Teknologia kanpainaren esparruan, hezkuntza-material berria daukagu erabiltzeko prest.
Kasu honetan doako joko bat da, www.walikale.org helbidean eskura dagoena. Zein da telefono mugikor baten bizi-zikloa? Zein da haien fabrikazioaren aurpegi ezkutua?
Egunerokoan erabiltzen ditugun gailu teknologiko asko (mugikorrak, ordenagailu eramangarriak…) mundu guztia zeharkatzen duen fabrikazio-kate luze baten ondoren iristen dira gure eskuetara.
Europako Parlamentuko Plenoak “gatazken iturri diren mineralen” inguruko erregulazio baten ALDE bozkatu du.
Bilbon, maiatzaren 21ean.- ALBOAN GKEak Europako Parlamentuak, maiatzaren 20an, Estrasburgon egindako bozketaren emaitza ospatzen du, honek gatazka inguruetatik datozen mineralen hornidura arduratsua bermatzea exijitzen baitu. Honek esan nahi du, Parlamentuaren proposamen honekin, kontsumo ondasunen ekoizpenean (gailu teknologikoak gehienak) eztainua, tantalioa, wolframioa eta urrea (“gatazken iturri diren mineralak”) erabiltzen dituzten EBko 880.000 enpresek mineralen jatorriaren berri eman beharko lukete.
Bozketa honen emaitza izugarrizko garaipena da, europarlamentarien gehiengoak Giza-Eskubideen babesa talde batzuen interes ekonomikoaren gainetik jarri baitu.
ALBOAN GKEak, nazioarteko beste 100 erakunde baino gehiagorekin batera, urtebete baino gehiago darama “Zure mugikorrak ezkutatzen duena” www.gatazkarikgabekoteknologia.org kanpaina indartsuan lanean eta 10.500 sinadura baino gehiago jaso ditu, Europan legedi batek Europako mineral-horniduraren industria -zeinak gatazka armatua elikatzen duen- erregula dezan.
Gainera, ALBOAN europarlamentari euskaldun eta nafarrekin izan da, gai humanitario hau azaltzeko.
Hurrengo hilabeteetan, Kontseiluak, Batzordeak eta Parlamentuak adostasun lanari ekingo diote, behin betiko legedia zehazteko.
ALBOANek eta gainerako erakundeek eskatzen diete kontuan hartzeko Parlamentuko Plenoak hartutako erabakia. EBko lege-ekimenak merkataritza guztia hartu behar du barne eraginkortasunez, horrela, mineralen merkataritza, gatazkak eta Giza-Eskubideen bortxaketen arteko loturak hausteko.
Dagoeneko, ia 10.000 pertsonek sinatu dute “Gatazkarik Gabeko Teknologia”-ren aldeko gutuna, eta hainbat erakunde gehitu dira proposamen honetara. Horregatik, ondorengo erakundeei eskertu nahi diegu kanpainara batu eta berau sinatu izana: Justicia i Pau, La Bretxa, Solidaritat Castelldefells Kasando, REDES a través de su Campaña África cuestión de vida, cuestión debida., Fundaçao Gonzalo da Silveira, Grupo Pro- África, Gernikatik Mundura, Gernika Gogoratuz, Lurgozo, eta JSN.
Datorren maiatzaren 20an Europako Parlamentuko plenuak “gatazkadun mineralen” erregulazioa bozkatuko du.
Orain, hiritarrok aukera berri bat dugu gure Europako ordezkariek -gure ahotsak entzun ditzaten- Europakok enpresek Kongoko Errepublika Demokratikoko gatazkaren edo beste edozein gatazkaren edo arrisku handiko eremuen erantzukizuna beren gain har dezaten derrigorrezko legedia exijitzeko.
Read More
Apirilak 13 eta 14an INTA (Committee on International Trade) besteak beste, Iulu Winkler hizlariaren “Gatazkapeko Mineralak” buruzko proposamena bozkatzeko bilduko da. INTA Europar legebiltzarrean nazioarteko merkataritzaz arduratzen den batzordea da.
Bilera garrantzitsu honi arreta berezia eman behar diogu. Batzorde horretatik aterako den proposamena hurrengo maiatzean Europako Parlamentuko osoko bilkuran aurkeztuko bait da.
Dakizuenez Europar batasunean mineralen merkataritza arauzten duen legeak zorrozteko lanean aritu gara; mineralalen, baliabide naturalen, gatazken eta ezkubideen urraketa larrien arteko loturak apurtuko duen arau berria sortuz.
Jadanik 9.000 pertsona baino gehiago sinatu dugu eskaera honen alde Orain, gure tramankulu teknologikoek daukaten mineralen bitartez gudak edo gatazkak finantzatzea eragozten duen erregulazio bat nahi dugula kontatu ahal izango diegu gure buruzagiei.
Azken asteetan, eta presioa handitu eta informatzeko asmoz Europako Parlamentuan presentzia daukaten alderdi politikoen ordezkariekin elkartu gara.
Honela hiru bilerak izan ditugu jadanik: Pablo Zalba- PP, Ramón Jauregi – PSOE eta Maite Iturre – EH Bildu. EAJ-PNVko Izazkun Bilbaorekin Apirilaren 17an elkartuko gara. Topaketa hauetan, “gatazkapeko mineralak”arazoari buruz informatzeko aukera izan dugu, era berean gure diputatuei eta parlamentariei zuen eskaerak aurkeztuz
komisioak merkataritza (INTA) eta Garapeneko (DEVE) komisioekin batera diru kopurua prestatuu dute Gobernuak eta tokiko populazioak prozezu honetatik sortuko den erregulazioa martxan jartzen laguntzeko
Azkenik Gogoratu gure eskaerak hauek direla:
1. Sortutako erregulazioa derrigorrezkoa izatea
2.-Lehenengo aldiz beraien produktua Europan salduko duten enpreseei aplikatzea
3. Gatazka arrisku handia duten guneekin lotura daukasten baliabide natural guztiei aplikatzea, eta ez soilik 3TG-ei
4. ELGAk ikuskaritzari eta informazioari buruz jarritako irizpideei egookitu
5. Eremu geografiko orokorra mantendu, ELGAren gidaritzapean jasotako definizioari egokituz.
Oraindik sinatu ez ba duzu, lotura honen bitartez egin dezakezu.
“Gatazkarik gabeko teknologia” kanpainak garapenerako hezkuntzaren proposamen bat hartzen du barne, eta haren asmoa da ahalik eta pertsona eta erakunde gehiena mobilizatzea.
Helburua da herriak eskaera bat egitea, ordezkari politikoak eta enpresak bultza ditzan beren erantzukizuna onartzera, eta Kongon bizi duten drama humanitarioa gelditzen lagunduko duten neurriak hartzera.
Gailu elektroniko baten “erauzketa – fabrikazioa – merkaturatzea – birziklatzea” ziklora hurbilduz, kanpainak gogoeta kritiko bat planteatzen du, non gure garapen-eredua, bizimoduak eta kontsumo-ereduak lotzen baititu mineralen erauzketarekin eta erauzketa horren ondorioak bizi eta jasaten dituztenekin, eta, aldi berean, nazioarteko harreman ekonomikoen sistemak zalantzan jartzen baititu.
Horrez gain, kanpainak kontzientziatu egin nahi gaitu bereziki mugikorrei eta, oro har, teknologiari ematen diegun erabileraz, eta haiek arduraz erabiltzea, kontsumitzea eta birziklatzea sustatzen du.
ALBOANen, ekintzara eta herritarren mobilizaziora bideratutako eta hainbat hartzaile-motari egokitutako heziketa-proposamen batzuk prestatu ditugu.
Hemen fitxa batzuk jaits ditzakezu, kanpaina ikasgelan Bigarren Hezkuntzako ikasleekin eta/edo boluntario-taldeekin lantzeko.